Wenners

Draftfcb ryg goue, silwer Pendorings in

Draftfcb (Johannesburg en Kaapstad) het nie net ag geslaan op die oproep van vanjaar se Pendoring-veldtog nie (Moenie die taal afskeep nie!); dié agentskapsgroep het met handevol goue en silwer Pendoringtrofeë op die luisterryke vyftiende bekroningsaand van die Pendoringreklametoekennings vir voortreflike Afrikaanse en Suid-Afrikaanse reklame weggestap.

Met nege goue en twee silwer Pendorings op sy kerfstok, spog Draftfcb Johannesburg vanjaar met die grootste oes Pendorings. Draftfcb Kaapstad volg met drie goues, wat die agentskapsgroep se totaal op 12 goue en twee silwer Pendoring-toekennings te staan bring.

Dié glansryke geleentheid wat Vrydagaand, 18 September, by Vodaworld, Midrand, plaasgevind het om die room van Afrikaanse reklame te bekroon, was oudergewoonte weer 'n makietie soos min! Boonop is van die meeste Pendoring-trofeë nóg - 19 goud, en 12 silwer - by dié spoggeleentheid aan die wenners oorhandig.

Die rugby-'helde' Jan & Elton het nie net vir die Springbokke nie, maar ook vir Draftfcb Johannesburg en sy kliënte Vodacom soete oorwinning gebring. Die twee TV-flitse met dié gewilde karakters het nie net goud in die TV-kategorie verower nie, maar Jan het ook met die gesogte Prestigetoekenning, Pendoring se hoogste eerbetoon, weggestap

Verder het Jan en Jan & Elton ook goud in die kategorie: Eg Suid-Afrikaans - TV - verwerf, met nog 'n goue Pendoring vir laasgenoemde in die kategorie: reklame bo-die-lyn - gemengdemediaveldtogte. En as die kersie op die koek, is die sanger Robbie Wessels vereer as beste uitvoerende kunstenaar in dié twee advertensies.

Inskrywings in die TV-kategorie van Eg Suid-Afrikaans was só goed, dat die beoordelaars ook goud aan Ogilvy Johannesburg toegeken het vir sy Zoeloe-advertensie Skop, vir KFC.

Draftfcb Johannesburg se prettige radioflits vir Nando's getiteld Name, het koning gekraai in twee kategorieë: radio én in die kategorie Oorspronklik Afrikaans.

Nog goud was dié Johannesburgse agentskap in die radio-kategorie beskore, en wel vir sy Toyota-flits Afrienglish, terwyl nog 'n Toyota-flits deur die agentskap, Tannie Emsie met 'n silwer Pendoring weggestap het. In die kategorie beste klinkreël/uitdrukking/begrip/opskrif, het Draftfcb Johannesburg se TV-flits vir Vodacom met die opskrif Are you free; or are you dom? silwer verower.

Draftfcb Kaapstad het ook goud verower die koerantkategorie vir sy advertensie, Dawid & Goliat, vir Die Burger. Bonded by Blonde deur The Jupiter Drawing Room (Kaapstad) het met silwer in die koerantkategorie weggestap.

Draftfcb Kaapstad se koffiebeker-omhulsels vir Die Burger, het ook goud verower, en wel in die afdeling ervaringsbemarking vir sy inskrywing, Koffie 'Wraps' in die direkte bemarkings- en promosiekategorie. In dié kategorie het TBWA\Tequila se inskrywing vir Auto Trader, getiteld Oesmatjie, silwer verower.

Die buitelug-inskrywing Matiesous vir Klipdrift, het Draftfcb Kaapstad nóg 'n goue Pendoring, en wel in die buitelugkategorie besorg.

In die tydskrifkategorie is 'n goue Pendoring toegeken aan Saatchi & Saatchi Kaapstad vir sy advertensie vir die Afrikaanse uitgawe van Sports Illustrated, getiteld Sport Ikone, terwyl Joe Public silwer verower het vir sy Ocean Basket-advertensie, Maklike Sushi.

Pendoring kon self breëbors pronk met 'n goue en 'n silwer Pendoring. In die ervaringsbemarkingsafdeling, het sy 2008 Pendoring-werwingsveldtog met goud weggestap, terwyl die gedrukte veldtog met Patricia Lewis en Steve Hofmeyr in die 2008-veldtog, met silwer bekroon is in die Eg Suid-Afrikaanse kategorie: gedrukte advertensies. In dié kategorie het Black River FC ook silwer verower vir sy MINI-veldtog, AIRyobaness en Abuti bulu roof.

Die plakkaat getiteld Pinkie (vir Checkers-wynroete) deur NINETY9CENTS Communications in Kaapstad, het silwer verower in dié kategorie.

Die kategorieë aanlyn- en ervaringsbemarking: gemengdemediaveldtog het geen wenners opgelewer nie.

In die student-kategorie, reklame-bo-die-lyn, het die Red & Yellow School of Advertising van Kaapstad met goud weggestap vir die Nasionale Lotery-advertensie getiteld, Doen net wat jy wil met jou bokke terwyl die AAA School of Advertising silwer verower het vir sy Pendoring-veldtog.

VEGA The Brand Communications School se inskrywing vir die Nelson Mandela Children's Hospital, getiteld A Family Dedicated to Care is met goud bekroon in die Eg Suid-Afrikaanse katogorie vir student, terwyl die AAA School of Advertising silwer verower het vir sy Cadbury-veldtog en Noordwes-Universiteit se Potchefstroom-kampus vir sy ATKV-veldtog, Kraanvoël/ Perdeby/Ystervark.

In die kategorie vir digitale media, het Noordwes-Universiteit se Potchefstroomkampus nie net met goud ontvang vir sy inskrywing Riemtelegram nie, dit is ook as algehele studentewenner bekroon. Dié universiteit het ook silwer verwerf vir sy inskrywing Bevonk! In die studientekategorie: gemengdemediaveldgtogte, asook vir sy ATKV-veldtog, Out of the Horse's Mouth in die Eg Suid-Afrikaanse kategorie.

AL DIE WENNERS

• REKLAME BO-DIE-LYN

  Televisie/rolprentteater

  Goud

  Titel:		Jan
  Agentskap:		Draftfcb Johannesburg
  Adverteerder:		Vodacom
  Produk/diens:		Rugby

  Goud

  Titel:	Jan & Elton
  Agentskap:	Draftfcb Johannesburg
  Adverteerder:	Vodacom
  Produk/diens:	Rugby

  Radio/klingels

  Goud

  Titel:	Afrienglish
  Agentskap:	Draftfcb Johannesburg
  Adverteerder:	Toyota
  Produk/diens:	Prius

  Goud

  Titel:	Name
  Agentskap:	Draftfcb Johannesburg
  Adverteerder:	Nando's
  Produk/diens:	Combo

  Silwer

  Titel:	Tannie Emsie
  Agentskap:	Draftfcb Johannesburg
  Adverteerder:	Toyota
  Produk/diens:	Hilux

  Koerante

  Goud

  Titel:	Dawid en Goliat
  Agentskap:	Draftfcb Kaapstad
  Adverteerder:	Die Burger
  Produk/diens:	Die Burger Koerant

  Silwer

  Titel:	Bonded by Blonde
  Agentskap:	The Jupiter Drawing Room Johannesburg
  Adverteerder:	Sasol
  Produk/diens:	Springbok Rugby-borgskap

  Tydskrifte

  Goud

  Titel:	Sport-ikone
  Agentskap:	Saatchi & Saatchi Kaapstad
  Adverteerder:	Sports Illustrated
  Produk/diens:	Sports Illustrated Afrikaanse uitgawe

  Silwer

  Titel:	Maklike Sushi
  Agentskap:	Joe Public
  Adverteerder:	Ocean Basket
  Produk/diens:	Sushi

  Plakkate

  Silwer

  Titel:	Pinkie
  Agentskap:	NINETEY9 CENTS
  Adverteerder:	Checkers
  Produk/diens:	Checkers-wynroete

  Buitelugreklame

  Goud

  Titel:	Matiesous
  Agentskap:	Draftfcb Kaapstad
  Adverteerder:	Klipdrift
  Produk/diens:	Klipdrift Export Brandy

  Reklame: gemengdemediaveldtog (bo-die-lyn)

  Goud

  Titel:	Jan & Elton
  Agentskap:	Draftfcb Johannesburg
  Adverteerder:	Vodacom
  Produk/diens:	Rugby

• KOMMUNIKASIEONTWERP

  Ontwerp

  Goud

  Titel:	MK Bruce Lee
  Agentskap:	The President
  Adverteerder:	MK Bruce Lee uitgawes 2 & 3

• ERVARINGSBEMARKING

  Direkte bemarking en promosies

  Goud

  Titel:	Die Burger Koffie 'wraps'
  Agentskap:	Draftfcb Kaapstad
  Adverteerder:	Die Burger
  Produk/diens:	Die Burger-koerant

  Silwer

  Titel:	Oesmatjie
  Agentskap:	TBWA\Tequila Johannesburg
  Adverteerder:	Auto Trader
  Produk/diens:	Commercial Trader

  Digitale Media

  Goud

  Titel:	Pendoring 2008
  Agentskap:	Saatchi & Saatchi Kaapstad
  Adverteerder:	Pendoring-reklametoekennings
  Produk/diens:	Inskrywingswerwingsveldtog

• ALGEMEEN

  Beste klinkreël/uitdrukking/begrip/opskrif

  Silwer

  Titel:	Are you free, or are you dom?
  Agentskap:	Draftfcb Johannesburg
  Adverteerder:	Vodacom
  Produk/diens:	Night Owl

  Oorspronklik Afrikaans

  Goud

  Titel:	Name
  Agentskap:	Draftfcb Johannesburg
  Adverteerder:	Nando's
  Produk/diens:	Combo

  Eg Suid-Afrikaans - TV

  Goud

  Titel:	Jan
  Agentskap:	Draftfcb Johannesburg
  Adverteerder:	Vodacom
  Produk/diens:	Rugby

  Goud

  Titel:	Jan & Elton
  Agentskap:	Draftfcb Johannesburg
  Adverteerder:	Vodacom
  Produk/diens:	Rugby

  Goud

  Titel:	Skop
  Agentskap:	Ogilvy Johannesburg
  Adverteerder:	KFC
  Produk/diens:	Streetwise 2 Brand

  Eg-Suid-Afrikaans - Radio

  Goud

  Titel:	Bua FM2
  Agentskap:	Draftfcb Johannesburg
  Adverteerder:	Vodacom
  Produk/diens:	Vodacom Music Station

  Eg-Suid-Afrikaans - Gedrukte advertensies

  Silwer

  Titel:	Abunti bulu roof, AlRyobaness (veldtog)
  Agentskap:	Black River F.C.
  Adverteerder:	MINI
  Produk/diens:	Convertible

  Silwer

  Titel:	Patricia Lewis, Steve Hofmeyr (veldtog)
  Agentskap:	Saatchi & Saatchi Kaapstad
  Adverteerder:	Pendoring-reklametoekennings
  Produk/diens:	2008 Pendoring-veldtog

• STUDENTE-INSKRYWINGS

  Reklame (bo-die-lyn)

  Goud

  Titel:	Doen net wat jy wil met jou bokke (troon)
  Tersiêre instelling:	The Red & Yellow School of Advertising
  Kliënt:	Nasionale Lotery
  Produk/diens	Nasionale Lotery

  Silwer

  Titel:	Kraanvoël, Perdeby, Ystervark (veldtog)
  Tersiêre instelling:	AAA School of Advertising
  Kliënt:	Pendoring-reklametoekennings
  Produk/diens:	Pendoring-reklametoekennings

  Aanlyn-reklame/Digitale media

  Goud

  Titel:	Riemtelegram
  Tersiêre instelling:	Noordwes-Universiteit
  Kliënt:	DISTRIK
  Produk/diens:	Riemtelegram

  Gemengdemediaveldtog (deur-die-lyn)

  Silwer

  Titel:	Bevonk!
  Tersiêre instelling:	Noordwes-Universiteit
  Kliënt:	Noordwes-Universiteit
  Produk/diens:	CI-LAB GRAFIESE ONTWERP SKOUSPEL

  Eg-Suid-Afrikaans - enige medium

  Goud

  Titel:	Family dedicated to care
  Tersiêre instelling:	VEGA the Brand Communications School
  Kliënt:	Nelson Mandela Children's Hospital
  Produk/diens:	Nelson Mandela Children's Hospital

  Silwer

  Titel:	Out of the horse's mouth
  Tersiêre instelling:	Noordwes-Universiteit
  Kliënt:	ATKV
  Produk/diens:	ATKV Promoting Afrikaans Saying

  Silwer

  Titel:	Nou het ouma meer tyd
  Tersiêre instelling:	AAA School of Advertising
  Kliënt:	Cadbury
  Produk/diens:	Melktert, malvapoeding, kaaskoek choco

• SPESIALE TOEKENNINGS

  Prestigetoekenning

  Jan - Draftfcb Johannesburg

  

  Algehele studentewenner

  Riemtelegram - Noordwes-Universiteit, Potchefstroom-kampus

  

  Beste uitvoerende kunstenaar

  Robbie Wessels in Jan; Jan & Elton

Die TV-advertensie 'Jan' deur Draftfcb Johannesburg vir Vodacom se Springbok-rugbyborgskap het vanjaar met die Pendoring-prestigetoekenning weggestap.